Yvonne Coomber írskur snillingur.

Ég er algjörlega fallinn fyrir þessum listamanni. Þetta er algjör snillingur. Og það þarf sko þekkingu og tækni til að gera svona fallegar myndir. Viljið þið sjá fegurðina í þessu. Elska svona myndir.

 

 http://www.yvonnecoomber.com/index.aspx

Ég ætla að byrja á byrjuninni. Ég sá vidíó á youtub slóðin er hér.: https://www.youtube.com/watch?feature=player_detailpage&v=2hnNcocheDo. Og þegar ég fór á heimsíðuna hennar sá ég nafnið á Yvonne, og flétti henni upp. Hérna er myndin sem hún er að gera. Þarna sýnir hún hvernig er best að gera þetta. En því miður talar hún ekkert um að það þurfi að plasta alla veggi og gólf áður en maður byrjar. Sem þýðir að ég þarf að mála eldhúsvegginn hjá mér.... shitt.

 

Þetta er með svona slettutækni. Mig vantar lítrík málverk hérna á mitt heimili. Er bara með einhverjara dökkar gamlar eftirprentanir. Ég elska liti og form. Svo ég skil eiginlega ekki hvað ég hef verið að hugsa að setja ekki einhvað kreisý litríkt upp á veggi hjá mér. Svo ég óð af stað keypi canves (ramma). Ég á nóg af litum. Svo var bara að prófa. Ég þarf að æfa slettutæknina betur. Og svo vantaði mig svona litla túbubrúsa með mjóum stút til að gera græna litinn. Fann hann í Litir og föndur.
Ég er ekki alveg búin með mína mynd og er ekki alveg ánægð með hana finnst vanta græna litinn í hana. Á eftir að setja miðjur í sum blómin. En myndin er mjög falleg í ljósaskiptunum. Og við skulum bara segja að hún sé fjaska falleg hahahhha. Hérna er mín mynd.

Svo er bara að æfa slettutæknina. Ég er ekki búin að gefast upp. Þarf bara að plasta vel í kringum mig þetta er svo sóðalegt.

Ég fann aðra bloggsíðu þar sem er kennt að gera svona myndir. Hún gerir líka frábærar myndir.

 

http://www.myflowerjournal.com/create-a-splattered-paint-flower-garden/#!prettyPhoto

Eigið yndislegan dag.

Diy body skrub and bath bomb´s

Jæja þá er komið enn eitt áhugamálið hjá mér. Ég er farin að búa til himneska líkamsskrúbba og baðbombur. Líkamsskrúbba og baðbombur hef ég eiginlega aldrei notað. Ég átti einhvertíman súkkulaðiskrúbb. Notaði hann mjög sjaldan og varð að henda honum fyrir rest.
Ég prófaði fyrst að gera tvær gerðir. Cocosolíu/sítronu-sykur skrúbb. Hann er æðislegur, svo þarf engar áhyggjur að hafa þóað einhvað af þessu fari upp í mann. Bara gott bragð. Og borðanlegt allt sem ég set í þetta.
Hinn var ætlaður fyrir fætur, en ég hef notað hann á neðri líkamann. Hann er þara/piparminntu salt skrúbbur. Svo þegar ég fer í sturtu nota ég sítronu/cocosolíu skrúbbinn á efri líkamann og hinn frá rass og niður úr. Húðin verður silki mjúk og ilmar alveg æðislega.

Sá græni er þara/minntu hinn cocos/sítronu.

Svo er ég búin að búa til annan í morgun, rose/cocos-olíu salt skrúbb. Hann gaf ég sem innflutningsgjöf til elsku Maríellu minni. Sá ilmaði alveg æðislega og svo útbjó ég fallegan merkimiða.

Í gær skellti ég svo í nokkrar baðbombur. Ástæðan fyrir að ég fór að spá í þær er að Dísa systa mín gaf mér í jólagjöf heimagerða baðbombu sem hún hafði keypt af einhverji. Ég er búin að nota hana í baðið og fannst það alveg æðislegt. Og það var ekki svo erfitt að gera þetta, léttara en ég hélt. Þær þurfa svo að fá að þorna alveg fullkomnlega. Ég er að reyna að vera róleg. Ætli ég prófi þær svo ekki um helgina.

Trixið var vita hvað ætti að vera mikið vatn í þessu. Ég kemst að því hvort ég hafi gert rétt þegar þær hafa þornað alveg.

 

Keypti sápu form og setti afgang í kúlur. Hérna er það bleika rose/sítrona og hitt minnta/lavender. Íbúðin mín ylmaði alveg rosalega vel þegar ég var búin að þessu. Eiginlega of vel. Varð að setja þær í plastdollu.

Ég ætla sko að halda áfram að þróa þetta. Ætla að gera þara/mintu/lavander baðsalt til að eiga þegar maður er ofurþreyttur og uppfullur af eiturefnum sem stífla allan líkamann.  Svo fer ég að koma þessu á ættingja og vini til að fá umsögn um hvort þetta sé nógu gott.

Eigið góðan dag elskurnar mínar.

Body scrub og feet scrub.

Ég er svo ánægð með sjálfa mig. Lét verða af því að búa til líkamsskrúbba. Bjó til sítronu-kókósolíu skrúbb og Sítronu-Piparminntu fóta skrúbb. Svo er bara að prófa hvernig þetta tókst til.

Fótaskrúbburinn ilmar alveg rosalega vel. Í honum er þari, sjávarsalt, e-vítamín, laxarolía, sítrona.
Svo er bara að prófa í kvöld.

Vatnsberi hitaplatti úr ullargarni.

Þar sem fjárráðin eru ekki eins og þau hafa verið er um að gera að reyna að búa til sjálf sem mest af jólagjöfunum í ár. Mér tókst að klára eina um daginn. Það er að gerast oftar hjá mér að ég klára það sem ég byrja á. Ég held að ég eigi helling af ókláruðu handavinnudóti inní kompu. Þetta er örugglega ofvirknin í mér sem ræður þar um. Byrja á einu og eða tveimur hlutum í einu og svo er þetta bara orðið leiðinlegt.  Þetta meistaraverk mitt sem ég kláraði núna er hitapottaplatti úr ull.

 Vatnsberi hitaplatti úr ullargarni

 Getið þið séð hvar litarmismunurinn er?

Það er nú sagan að segja frá þessari vinnu, ekki beint verið beint áfram. Málið er ég á svo mikið af garni, alls konar garni (já segið það bara garn sem ég ætlaði einhvertíman að prjóna úr en varð ekki neitt úr) en þetta kom sér vel núna. Ég fann helling af ullargarni í haugnum mínum. Var búin að hugsa mér að gera þennan rauðan og hvítan eins og í bókinni. (Já þetta er uppskrift frá Norsku gaurunum sem ég fjallaði um hérna fyrr.) Var búin  að gera nokkrar ræmur úr rauðu og þá var garnið búið. Þetta er ullagarn sem heitir Flóra. Ég fór nátturlega á netið og googúlaði það. Fann að þetta átti að vera til hjá .... stopp nú hætti ég þessari lýsingu þið getið lesið um þetta þann 13.10.13, mikið rosalega er google mikilvægt. Sem sagt í stuttu máli það er hætt að framleiða það. Þá átti ég blátt garn, sem ég hélt að myndi duga. En nei það kláraðist og ég átti eftir að gera nokkrar dúllur í viðbót. Fór í Hagkaup og keypti léttlopa svona í næstum eins lit og ég var með. En þetta ætti að vera í lagi þar sem í nátturunni er ekki fullkomin litarbrygði. Svo nú er bara að pakka þessu inn og merkja þeim sem mér finnst að eigi að fá þetta.

Þó að ég segi sjálf frá þá finnst mér þetta mjög fallegt. Ætla að gera svona handa sjálfri mér úr garni sem ég fékk á útsölu í bleikum lit. En öðruvísi munstur.
Eigið yndislegan dag elskurnar mínar.